2007-3-19 14:34
viv918
你好呀,恭喜! 恭喜!
本人係化妝師, 但也想給你少少意見,希望你唔好介意.
好坦白, 你選擇全日還是早晚都好睇你自已個人覺得有冇呢個需要.
咁當然全日你可以係擺酒個段時間轉多幾個形象影吓相. 會多d嘢睇吓.
但早晚 (2個妝) 變左你擺酒個段時間裡 你張張相都會係同一個頭同妝.
冇咁多變化. 但當然早晚個價錢會平d啦.
因我唔知你當日會點安排. 或者你也可以諗吓早全晚 價錢又冇全日咁貴. 但擺酒果段時間有化妝師
幫你轉妝轉頭. 咁都ok 咖.
但如果你註冊時間係中午. 即係註完冊即去酒店/酒樓既. 咁你join全日個plan會啱d.
因為早上個化妝師幫你化妝同set頭. 到下午你去註冊果時..佢都可以幫你轉咗個妝同頭先去註冊.
咁你會有多個造型.
其實join邊個plan 都好視乎你當日個安排係點. 同註冊既時間.
因為如果你係早上註冊. 咁你中午只係回門..等等既. 咁你其實唔係咁需要全日..
因為化妝師都只會幫你補吓妝. 直到你擺酒先會真正幫你轉造型.
以上只係個人少少意見..如有任何不對..請原諒.