返回列表 回復 發帖

伊x園證婚,完全不推薦!(內容很長, 但對有意在此享有完美婚禮的準新人或親友絕對有用)



話說本人於本月20日在伊X園行禮, 但對於他們員工的服務感到不滿..
在此分享係希望如果想有非常完美婚禮又有考慮伊X園的人, 真係要三思~

首先本人係上年7月BOOK場的時候, 是由一位T先生員工跟進, 當時他的態度服務都很好, 沒有問題, 直到幾個月前T先生離職, 伊X園安排一位K小姐負責跟進, 原本在電話聯絡上都冇咩大問題, 但直到婚禮結束為止, 中間上過去2次溝通rundown同埋座位等等安排, 甚至婚禮當日都未見過佢本人,每次伊X園的其他職員都只會話佢需要去婚展幫忙....咁叫做係跟進我地既婚禮嗎?

ok, 咁伊X園都仲有其他員工, 第1次上去溝通完rundown, 過左幾日伊X園有職員打電話來叫我約上去傾rundown, 我回覆佢已經傾左..
點知過多幾日又有另一個職員打電話俾我老公, 又係叫佢約上去傾rundown...
下?!咁即係伊X園內部d員工完全冇溝通?!我已經開始擔心...


直至5月19日, 第2次上去(之前已book好左當日會上去), 上去之前仲打電話通知職員我地過緊去, 當日主要係試DVD片段播唔播到, 同埋預先放定d酒、相簿等等...
當時我要求佢試放條片, 職員小姐(忘了名字, 反正一定不是跟我們場的K小姐)說如果是DVD就一定ok不用試..
好啦, 我信左佢...
然後我發現場地的座位與伊X園之前給我的floor plan上的不一樣, 我就同職員小姐講, 我一張枱係14位, 已跟足佢地之前俾我的floor plan安排了來賓座位,這位職員小姐就話"明天我們會有團隊9點幾開始就會預備食物, 會整返好d枱做你地之前收過張floor plan咁架喇!"
好啦, 我都信佢...
之後仲話返佢知我要借佢既戒指枕係點樣的, 佢都話冇問題, 仲話佢明天都會係度喎..咁我都放心d啦..


婚禮當日即5月20日
我地婚禮既時間係下午1點至4點半, 之前問好左12點半一定有新娘房用。
當日我地早到左, 12:15pm已經到, 我同化妝師上去, 見到新娘房冇人用緊, 而禮堂就有一對新人已經行緊禮,咁新娘房隔離有個嬸嬸(應該係行禮中新人的家人)同我地講冇人用, 叫我地用, 而伊X園的職員都冇人阻止, 咁我地就認為佢地已經用完啦..

直到12:35pm左右, 伊X園的職員小姐(就係19號那位)突然入黎新娘房同我講"唔好意思, 我地仲有一對12點半行禮的新人要換衫, 麻煩你俾間新娘房佢地用左先"
當時我化緊妝, 冇睇時間, 以為自己真係霸左人地間房, 超唔好意思一袋二袋咁出返去..
跟住職員小姐叫我入左佢地員工辦公室整住先, 新娘房冇人再叫返我入去..
之後我化妝師同我講已經12:35pm, 不是應該我在用新娘房嗎?
我再問返職員小姐, 佢先答我"係啊, 因為佢地遲左, 佢地陣係換衫, 用10分鐘架咋, 會俾返你架"
我已經嬲嬲地問返佢"咁點解唔係佢地用辦公室, 而係要丟左我過黎用?!佢換件衫者, 我set緊個頭啊..著住件婚紗仲要一袋二袋.."
10分鐘之後佢地俾返新娘房我, 我行出去的時候, 見到那對遲到的新人, 個新娘仲要望住我, 好似我搶佢間房咁..當然我見到咁既情況硬係超返佢啦..明明係佢遲到, 關我x事咩!!

整裝好一切帶埋頭紗出去準備行禮, 我已經望到禮堂入面條片閃閃下...
職員小姐同我講"唔好意思, 你地隻DVD冇事, 係我地個projector有條線有問題"
披住頭紗既我為左個樣唯有笑住話佢"昨天叫你試,你又唔肯試,又話一定冇問題?"
職員小姐"因為昨天有客人係個HALL度所以唔方便"(佢所指既客人我都見到, 只係一對準新人同一位職員在註冊枱傾緊野)
我"咁我唔係客啊?我地一早BOOK左19號試DVD,係你地講3點後幾時可以黎,黎之前仲打埋俾你啦"
職員小姐"咁你地而家會唔會想等個projector整返先行禮進場?"
我心諗佢無野啊?! 我"咁我等你地整好個projector我遲晒行禮, 係咪可以用返你個場咁耐先?係咪我可以推遲埋你地下一對新人先?!"
職員小姐"係..都一定會遲架喇.."
下..冇野啊...咁樣推遲人地都得?!(即刻完全覺得呢間野唔可信)
我"總之我而家要行禮, 我要依返我自己既schedule, 唔會等你地整好部機!"
職員小姐"一係咁啦, 我地出面呢兩部電視機幫你播返條片, 賓客食野時都睇到"
我"我上次黎傾rundown既時候, 我已經同你d同事講好左, 出面既電視機一定會再播我條片架啦, 乜你唔知咩?!"
職員小姐"我真係唔知....."
到呢一刻, 我已經覺得冇野好講, 都唔想再損害我既心情, 我叫佢起音樂進場..


以上2件係對我當時最直接既野,但都仲未係全部...

交換戒指時, 我發現個戒指枕根本唔係我19號同職員小姐講的那個!

19號當日同職員小姐講左一張枱14人...
當日去到的時候, d枱係亂晒, 要我d兄弟姊妹去嘈佢先整返好主家席3張枱only, 其他都係亂!
仲要我伴娘去同佢地講既時候, 負責餐飲團隊d人回左我伴娘一句"擺cocktail d枱係咁架啦!"
我地係cocktail, 不過係buffet個隻囉! 個floor plan又係你地俾我, 我跟足安排好晒d位, 你地而家搞亂晒即係點?!
而家仲要得返主家席3張枱先係岩...其他都係錯!!!


另外,我地book係book 100個人既食物, 點知d食物出左十分鐘冇晒就停左, 要我爸爸去鬧佢地先識得再出多一輪,
d野食根本就唔夠100人, 我地得80幾個人到都唔夠食, 陣係雞奕都唔知有冇60隻, 仲要出得一次..咁樣點叫100人食物?!
d野食好快已經食晒又唔出, d賓客就咁坐係度, 而我就係入面換緊衫唔知咩事, 有d賓客仲以為完左已經走左了!
搞到我同我老公好招呼唔到咁, 超唔好意思!!!大佬, 我地有22樣菜式, 100人份量, 得80幾個人,一個鐘唔夠就食晒?!係真係冇得剩個隻!
仲要有d兄弟姊妹、camman等係幫手緊, 唔係食緊野wor!
我唔知會唔會係佢地內部溝通唔好, 連我地係100人定50人食物都唔知囉!


換完衫繼續影下相, 直到3:45pm,
職員小姐冇啦啦行黎同我講"提醒返小姐你個場仲有15分鐘"
我話"我個場book到4:30pm架wor, 你睇清楚先同我講啦"
職員小姐即刻走返去職員房, 過左一陣又過返黎話"係啊, 小姐你到4:30pm啊!"
我當下已經唔想理佢, 我心諗"應該得你一個唔知我個場到4:30pm者!!"


其中係中途已經發現個場入面有一個小朋友(男仔)係唔識的, 係咁同d餐飲團隊玩,
我唔知係佢地既邊個仔女, 都有可能係個場既老闆的~但個小朋友係不斷咁跑來跑去, 係咁玩..
呢樣我都冇出聲了, 因為只有我同老公先知道係唔識的, 其他人例如女家可能會以為係男家小朋友, 男家都會以為係女家的...

原本我同老公諗住4點左右係會送客的, 點知到4點都已經冇賓客咁濟, 完全都唔駛通知了..

結婚當然想完美, 但自己安排好了一切, 卻因為d職員既錯誤搞到咁, 真係會有少少不滿。好在叫做好多野都順利完成, 冇俾佢完全影響晒....
分享完畢, 希望想有十分完美婚禮既新人真係要好好考慮先揀呢家公司...



結婚當然想完美, 但自己安排好了一切, 卻因為d職員既錯誤搞到咁, 真係會有少少不滿。好在叫做好多野都順利完成, 冇俾佢完全影響晒....


分享完畢, 希望想有十分完美禮既新人真係要好好考慮先揀呢家公司...


JM520 發表於 2012-6-1 11:39




很多人的心聲

通勝。結婚。通勝。結婚。通勝。結婚。通勝。結婚。通勝。結婚。通勝。結婚。通勝。結婚。通勝。結婚。
返回列表
香港網站聯盟| 勁爆排名 | 窮人亂談 CG

重要聲明:本討論區是以即時上載留言的方式運作,4marry.net 對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。香港討論區有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。