結婚小提示
結婚小提示 人情可唔可以COVER酒席就更係睇你幾錢圍啦,500個頭就死數一圍10個就5000蚊,所以多過4000蚊一圍就極可能要貼錢了.
人情比晒女家??咁女家D親戚朋友就一定歸於女家啦,但男家自己D親戚朋友就更係自己收返啦,亦係男方唯一收入來源!
禮金?基於上面行規所以酒席其實都係禮金一部份了,如果女家要10圍4000蚊圍就即刻而經比左40K了,因為個D男家真係一分錢都無得收返,仲要比埋加一酒水......
至於實際禮金就.....你娶人地個女,你覺得比幾多就真係應該只有你自己先知了,範圍真係由3~5千蚊到3~5億不等.......
結婚相亦係一大開支,想平返國內影OK的平過香港一半(應該7~8K左右)效果亦不錯!比得起少少飛台灣影,效果一流!!香港就........我自己係香港影7年之後唯一印象"赤"!!
女家禮餅都係一項開支,如果單要西式餅咭就唔算多,唐式禮餅就貴一點了.如果要過大禮之類的連禮餅10K都差不多了.
結婚平有平結,豪有豪結,最緊要你兩口子自己清楚有幾錢可以點攪.
算係少少貼士啦
1,現金上最少有100K左右會比較好周轉,最少現在酒樓唔收人情,一般都要現金找數或本票找數.
2,擺酒席人數要預算好,多一圍就一圍錢了,現代人唔好介意派貼時可以問句人家當天有沒有時間,你話想安排座位就好了.
3,一定要搵一班"好"兄弟!熟悉與否當然重要,但幫唔幫到手更重要!!班兄弟除左比人玩之外,仲包括要:搬野,代你聽電話,代收人情,代你比錢(上兩者都只可以集中一個絕不可個個都代收),安排座位,照顧你們的長輩,飛車去幫你拿你忘記帶的東西,人群分流,攪氣氛.....等一系列工作,所以如果幫唔到手的,你個日會想死!!
4.當日請一個專業影相佬!佢會幫你好多的,特別如果你長輩較多時,佢會好有用!
好的司機和好的攝影會有轉危為安的本領.
但如果衰.....可大可少.....
兄弟姐妹團要開會.而且其中一定要有經驗.唔係就.....
行規係......
1人$500
2人$800
全家$1200-$1500不等
唔尼$300
但有d人可能會入多入少唔定,
貼士係少請全家,請朋友多為妙.
假設1圍12人 x $500 = $6000
再減$2000
預1圍坐滿到齊約有人情$4000左右,
其實酒席約$4500(全包酒水)左右,應該可以cover到八,九成.
雜費有平有貴冇得預,
紅酒,化粧,撮影,衫.........仲有大把.
(基本)雜費 ：
注冊,禮服,化粧,set頭,撮影,撮錄,花球,手花,印帖,利是(兄弟,姊姐,酒樓),酒席後夥計貼士,結婚相,
酒樓遊戲,車,煙仔,糖,啤牌,大禮(唔係禮金)
有錢可 ：
MC,場地佈置,回禮小禮物,律師到會注冊
酒席要有 ：
全包酒水,餐前小食,場地佈置,椅套,背境音樂,回門乳豬.............
|
